Хятадын нийслэл Бээжин хотод ажиллаж, сурч, амьдарч байгаа Монголчуудын уламжлалт наадам 22-ны өдөр Бээжин дэх Хятадын Төвийн Үндэстний Их Сургуульд боллоо.
Албан байгууллага, их дээд сургууль, эрдэм шинжилгээний байгууллага, урлаг уран сайхны чуулга, аж ахуйн нэгж зэрэг олон салбарт ажиллаж, сурч байгаа 1000 гаруй Монголчууд өндөр настан, үр хүүхдээ дагуулан, үндэстний хувцас заслаараа гоёж, Төвийн Үндэстний Их Сургуульд цугларан, нийслэл Бээжинд 30 дахь жилдээ зохиогдож байгаа наадамдаа оролцов.
