Туркийн Гадаад хэргийн сайд Ахмет Давутоглу мөн өдөр тус улсад айлчилж байгаа Ираны Гадаад хэргийн сайд Али Акабар Салехитай хэлэлцээ хийсний дараа болсон хамтарсан хэвлэлийн бага хурал дээр хэлэхдээ, өнөөгийн Ираны асуудлын зангилаа бол хэлэлцээг нэн даруй дахин сэргээх, хурцадмал байдлыг арилгах юм. Турк бэлтгэл ажлаа сайн хийсэн байна, хэлэлцээг дахин сэргээхийн төлөө чармайна гэжээ.

         Тэрээр хэлэхдээ, Европын Холбооны гадаад харилцаа болон аюулгүйн бодлогын дээд төлөөлөгч Аштон болон Ираны албаны хүмүүс сүүлийн үед өөр өөр газруудад түүнд Ираны цөмийн асуудлын хэлэлцээг дахин сэргээх хүсэл эрмэлзлэлээ илэрхийлсэн юм гэжээ.

         Салехи хэлэхдээ, хэлэлцээг Истамбулд хийхийг хүсэж байна. Иранаас гадна Ираны шинэ цөмийн хэлэлцээнд НҮБ-ын Аюулгүйн Зөвлөлийн 5 байнгын гишүүн орон болон Германыг оролцуулах ёстой гэжээ. \Сайн-Өлзий орчуулав\